Sa baluarte sa simbahan uban ko ang mga kampana nga gipuli sa mga kanyon niadtong ang mga Moros padayon pa sa pagdunggo ning lungsod.
Sa akong pagkatkat Gahinay-hinay ko, daw bisitang naulaw sa kuwadrong bato nga lapas na sa gatus ang edad. Huna-huna ko, pila na kaha ka gatus ka mga Moros ang gibugtuan og ginhawa dinhi.
Sa paglili ko, Anaa gihapon ang mga vinta sa mga dingding Gabalibad sa pagkapapas, daw padayon sa paglutaw Gakugos sa mga agalon nilang Igo lamang ibilanggo kauban ang mga dingding.
Sa baluarte sa simbahan Paminaw ko Padulong ka ug gahina-hinay sa pagkatkat. Nalimtan ko Nga kaniadto pa diay to. Pulong mo pa niadto, Tahuron ta ang pahinumduman ning baluarte. Paminaw ko nuon, Nahiapil ko sa mga kalag sa Moros nga gialayan mo sa kahilom. Gihimong uban sa mga panumduman ning baluarteng bilanggoan. - http://veraleigh.blogspot.com