Ang diwata kuno dili kanang babaeng gabistida og puti dili kanang taas og buhok nga galutaw. And diwata mao ang paghalad sa mga pagkaon ug pagsangpit sa tabang Amihan, Saladpan, Silangan, Habagatan
Gahilom ang Tinubdan gahulat sa diwata, pagkaong giandam sa hinayng kugi pagkaong walay lamas Alang sa tubig sa tubud nga gabukal ug gadayhag sa mga palayan. Amihan, Saladpan, Silangan, Habagatan
Sugid ni Mang Temyong wala na karon ang diwata ning tuburan nga wala nay undang sa pagdayhag. Hinay niyang gituslub ang iyang kamot sa tubud, hinayng giligo ang nangunut niyang kamot ug mihonghong sa pasalamat Amihan, Saladpan, Silangan, Habagatan - http://veraleigh.blogspot.com